प्रयागराज महाकुंभमेळ्यावर 2700 AI कॅमेऱ्यांची नजर,अंडरवॉटर ड्रोन, 56 सायबर वॉरियर्स तैनात*

प्रतिनिधी योद्धा न्यूज :-उत्तरप्रदेशातील प्रयागराजमध्ये महाकुंभचा दिमाखदार शुभारंभ करण्यात आला आहे. या महाकुंभसाठी साधू-संत आणि भाविक प्रयागराजमध्ये दाखल झाले आहेत. जगातील सर्वात मोठा धार्मिक महोत्सव अशी ओळख असणाऱ्या कुंभमेळ्यात तंत्रज्ञानाची देखील भव्यता दिसत आहे.

अंडरवॉटर ड्रोनची नजर
उत्तर प्रदेश पोलिसांनी महाकुंभात कडेकोट बंदोबस्त ठेवला आहे. कुंभमेळ्यात अंडरवॉटर ड्रोन तैनात करण्यात आले आहेत. सांस्कृतिक मंत्रालयाने दिलेल्या माहितीनुसार, संगम परिसरात चोवीस तास पाळत ठेवण्यासाठी 100 मीटरपर्यंत डायव्हिंग करू शकणारे अंडरवॉटर ड्रोन शहरात तैनात करण्यात आले आहेत. याशिवाय प्रत्येक भागावर लक्ष ठेवण्यासाठी 120 मीटर उंचीपर्यंत उडणारे ड्रोन तैनात करण्यात आले आहेत.

कुंभमेळ्यावर 2700 AI कॅमेऱ्यांची नजर

आर्टिफिशियल इंटेलिजन्स (AI) वैशिष्ट्यांनी सुसज्ज सुमारे 2700 कॅमेरे मेळा परिसरात रिअल टाइम मॉनिटरिंग करत आहेत. कॅमेऱ्याच्या साहाय्याने प्रवेशद्वारांवर चेहऱ्याची ओळख पटविण्याचे तंत्रज्ञानही वापरले जात आहे. याशिवाय 56 सायबर वॉरियर्सची टीम तयार करण्यात आली आहे, जी ऑनलाइन फसवणुकीशी संबंधित प्रकरणांवर लक्ष ठेवेल. शहरातील सर्व पोलिस ठाण्यांमध्ये सायबर हेल्प डेस्क सुरू करण्यात आले आहेत.

लोकांच्या सोयीसाठी AI चॅटबॉट
महाकुंभात लोकांच्या सोयीसाठी AI चॅटबॉट देखील उपलब्ध आहे. भाविकांना प्रत्यक्ष मार्गदर्शन आणि अद्ययावत माहिती देणे हे त्याचे काम आहे. AI चॅटबॉट लोकांचा डिजिटल साथीदार म्हणून काम करेल, असे बोलले जात आहे. हे अनेक भाषांना सपोर्ट करते. वैयक्तिक नेव्हिगेशनमध्ये मदत करते. हा चॅटबॉट मोबाइल अ‍ॅप किंवा व्हॉट्सअ‍ॅपच्या माध्यमातून अ‍ॅक्सेस करता येतो.

45 हजार पोलीस कर्मचारी तैनात

उत्तरप्रदेशातील प्रयागराजमध्ये होणाऱ्या या महाकुंभ मेळाव्यासाठी 45 हजार पोलीस कर्मचारी तैनात करण्यात आले आहेत. या मेळाव्यासाठी साधू-संत, भाविक तसेच परदेशातील व्यक्ती सहभागी होणार असल्याने यंदा सुरक्षेसाठी 55 हून अधिक फोर्स असणार आहेत.

पंतप्रधान नरेंद्र मोदी यांनी त्यांच्या अधिकृत एक्स प्लॅटफॉर्मवर शुभेच्छा दिल्या आहेत. “भारतीय मूल्ये आणि संस्कृती जपणाऱ्या कोट्यवधी लोकांसाठी हा एक अतिशय खास दिवस आहे. प्रयागराजमध्ये महाकुंभ सुरू होत आहे. हा महाकुंभ असंख्य लोकांना श्रद्धा, भक्ती आणि संस्कृतीच्या पवित्र संगमात एकत्र आणतो. हा महाकुंभ भारताच्या आध्यात्मिक वारशाचं प्रतीक आहे, असे पंतप्रधान नरेंद्र मोदी यांनी म्हटले आहे.

पंतप्रधान नरेंद्र मोदींची एक्स पोस्ट

45 दिवस महाकुंभमेळा
उत्तरप्रदेशातील प्रयागराज या ठिकाणी असलेल्या गंगा, यमुना आणि सरस्वती या नद्यांच्या संगमावर पौष पौर्णिमेनिमित्त महाकुंभमेळ्याचे पहिले शाही स्नान संपन्न झाले. सोमवारपासून ते बुधवार 26 फेब्रुवारी असे तब्बल 45 दिवस महाकुंभ मेळावा आयोजित करण्यात आला आहे.

योद्धा एक्सप्रेस न्यूज लाईव्ह
मिळवा नोकरी, माहिती, मनोरंजन, बातम्या तसेच महत्वाचे अपडेट सर्वात आधी.

व्हाट्सअपद्वारे ग्रूप मध्ये ऍड होण्यासाठी लिंक
👇🏻
https://chat.whatsapp.com/Hwt7lAxz39QC7UUDQ7tcg0