योध्दा न्यूज ब्रेकिंग – सरपंच संतोष देशमुख यांच्या हत्येचे फोटो आले समोर; मुंडे यांचा मंत्रिपदाचा राजीनामा…

योद्धा  न्यूज : प्रतिनिधी

नाशिक : आता एक धक्कादायक घटना समोर अली आहे.राज्याचे अन्न व नागरी पुरवठा आणि ग्राहक संरक्षण मंत्री धनंजय मुंडे यांनी अखेर आज राजीनामा दिला आहे. तसेच मुख्यमंत्री देवेंद्र फडणवीस यांनी त्यांचा राजीनामा स्वीकारला आहे.बीडच्या मस्साजोगमधील सरपंच संतोष देशमुख हत्येप्रकरणात, धनंजय मुंडे यांचे निकटवर्तीय वाल्मिक कराड यांच्यावर खंडणीचा आरोप आहे. याच प्रकरणातून संतोष देशमुख यांची हत्या झाली होती. संतोष देशमुख यांच्या क्रूर हत्येचे फोटो समोर आल्यानंतर, महाराष्ट्राभरातून संतापाची लाट उसळली होती.याप्रकरणावरुन प्रचंड रोष निर्माण होताच मुख्यमंत्री फडणवीस यांनी संतोष देशमुख हत्याप्रकरणाच्या तपासासाठी एसआयटी नेमण्याचे आदेश दिले होते. त्यानंतर सीआयडी आणि एसआयटीने संयुक्तपणे या प्रकरणाचा तपास केला होता. यामध्ये वाल्मिक कराड आणि त्याच्या साथीदारांचा सहभाग आढळून आला होता. त्यामुळे सीआयडीने वाल्मिक कराड आणि त्याच्या साथीदारांवर मोक्का अंतर्गत कारवाई केली होती. नुकतेच याप्रकरणात 1500 पानी आरोपपत्र दाखल करण्यात आले होते. त्यामध्ये वाल्मिक कराड हाच त्या हत्याप्रकरणाचा मुख्य सूत्रधार असल्याचे म्हटले होते.

काय आहे चार्जशीट मध्ये –

– २९ नोव्हेंबरला केजच्या कार्यालयात वाल्मिक कराड, चाटे, सुदर्शन घुले, सुधीर सांगळे आणि कृष्णा आंधळे यांनी बैठक घेतली. याच बैठकीत संतोष देशमुख यांच्या हत्येचा कट रचण्यात आला
– ८ डिसेंबरला सुदर्शन घुले व चाटे हॉटेल तिरंगा येथे भेटले. त्यावेळी “संतोष देशमुख आडवा आला तर त्याला कायमचा धडा शिकवा” असा कराडचा निरोप घुलेने दिला
– ९ डिसेंबरला संतोष देशमुख यांचे अपहरण व अमानुष मारहाण करून हत्या करण्यात आली
– मारहाण करताना आरोपींनी या घटनेचे १५ व्हिडीओ आणि ८ फोटो काढले
– संतोष देशमुख यांना मारहाण करतानाचा व्हिडीओ कृष्णा आंधळेने ‘मोकारपंती’ या व्हाट्सअप ग्रुपवर शेअर केला, ५-६ जण ते व्हिडीओ पाहत होते
– व्हिडीओ बनवत असताना सुदर्शन घुले, सुधीर सांगळे आणि प्रतीक घुले हे हसत आणि असुरी आनंद घेत संतोष देशमुखांना मारीत होते
– जनावरांप्रमाणे मारहाण केल्यानंतर जयराम चाटे याने संतोष देशमुखांचे ओढून कपडे काढतो आणि हात वर करून शर्ट गोल फिरवतो
– महेश केदार देशमुखांच्या शेजारी उभा राहून सेल्फी घेतो आणि हैवानासारखा हसतो
– ‘सुदर्शन घुले हा सगळ्यांचा बाप आहे’ असे देशमुखांनी म्हणावे यासाठी जबरदस्ती केली जात होती
– हे सर्व नराधम लाथा, बुक्क्या, पाईप आणि वायरने देशमुखांना मारहाण करतात आणि शिवीगाळ करतात
– संतोष देशमुखांना एका अंतर्वस्त्रावर बसवून पाठीमागून पाठीवर जोरजोराने पाईपने मारहाण होते
– मारहाणीनंतर देशमुखांच्या शरीरातील रक्त ओघळून त्यांच्या तळपायापर्यंत आले
– संतोष देशमुख मोठ्याने ओरडत होते तेव्हा महेश केदार त्यांचा व्हिडीओ घेत होता
– संतोष देशमुख अर्धमेले झाले तेव्हा प्रतीक घुले याने संतोष देशमुख यांच्या छातीच्या दोन्ही बाजूला पाय ठेवून चेहऱ्यावर ल*वी केली
मुख्यमंत्री फडणवीस यांनी धनंजय मुंडे यांना राजीनामा देण्यास सांगितले असल्याची माहिती आहे. यावर सामाजिक कार्यकर्त्या अंजली दमानिया यांनी भूमिका मांडली आहे. दमानिया यांनी धनंजय मुंडेंचा केवळ राजीनामा न घेता त्यांना बडतर्फ करण्यात यावे अशी मागणी केली आहे..