योद्धा एक्सप्रेस न्यूज!!मुंबईत कोरोनाचे 53 रुग्ण, कोव्हिडच्या उपचारासाठी महापालिकेची रुग्णालयं सज्ज
प्रतिनिधी सागर बोराडे मुंबई योद्धा एक्सप्रेस न्यूज
योद्धा एक्सप्रेस न्यूज!!मुंबईत कोरोनाचे 53 रुग्ण, कोव्हिडच्या उपचारासाठी महापालिकेची रुग्णालयं सज्ज
बृहन्मुंबई महापालिका क्षेत्रामध्ये सोमवारी एकाही नव्या कोव्हिड रुग्णाची नोंद झाली नाही. त्यामुळे सध्याच्या घडीला मुंबई महापालिका अंतर्गत एकूण 53 कोरोना पॉझिटिव्ह रुग्ण आहेत. राज्याच्या आरोग्य विभागाने दिलेल्या माहितीनुसार एकही कोरोना बाधित रुग्णाचा कोरोनामुळे मृत्यू झालेला नाही.
महानगरपालिकेच्या रुग्णालयांमध्ये कोविड-19 रुग्णांच्या उपचार आणि मार्गदर्शनाची सोय करण्यात आली आहे. तसेच रूग्णांसाठी मुंबई महानगरपालिका रूग्णालयांमध्ये विशेष खाटांची आणि विशेष कक्षाची व्यवस्था करण्यात आली आहे.
कोविड आजाराचे रुग्ण अत्यंत कमी प्रमाणात अधून मधुन आढळून येतात. मागील काही दिवसांत सिंगापूर, हाँगकाँग, पूर्व आशिया आणि इतर देशांमध्ये कोविडच्या रुग्णांची संख्या वाढत असल्याचे आढळले आहे.
कोविड-19 चा प्रादुर्भाव नियंत्रणात ठेवण्यासाठी बृहन्मुंबई महानगरपालिकेचे आरोग्य खाते सतत लक्ष ठेवून आहे. जानेवारी 2025 ते एप्रिल 2025 पर्यंत कोविड रुग्णांची संख्या खूपच कमी आढळून आली आहे. परंतु मे महिन्यापासून काही प्रमाणात रुग्ण दिसून येत आहेत. या बाबत नागरिकांनी घाबरून जाऊ नये, असे आवाहन बृहन्मुंबई महानगरपालिका प्रशासनामार्फत करण्यात येत आहे.
कोविड 19 साठी महानगरपालिकेची सुविधा
मुंबई महानगरात बृहन्मुंबई महानगरपालिकेच्या रुग्णालयांमध्ये उपचार आणि मार्गदर्शनाची सोय उपलब्ध आहे. सेव्हन हिल्स (Seven Hill) रुग्णालयामध्ये 20 खाट (MICU), 20 खाटा मुले व गरोदर स्त्रियांसाठी, 60 सामान्य खाटा तयार ठेवल्या आहेत. तसेच कस्तुरबा रुग्णालय येथे 2 अतिदक्षता (ICU) खाटा व 10 खाटांचा वॉर्ड उपलब्ध आहे. आवश्यकता भासल्यास सदर क्षमता त्वरित वाढविण्यात येईल.
कोविड 19 लक्षणे
कोविड-19 च्या सामान्य लक्षणांमध्ये प्रामुख्याने ताप, खोकला (कोरडा किंवा कफयुक्त), घसा खवखवणे किंवा दुखणे, थकवा जाणवणे, अंगदुखी आणि डोकेदुखी यांचा समावेश होतो. यासोबतच काही वेळा सर्दी, नाक वाहणे, चव किंवा वास घेण्याची क्षमता कमी होणे अशी लक्षणेही दिसू शकतात. ही लक्षणे बऱ्याचदा सामान्य सर्दी-पडशासारखी असू शकतात आणि व्यक्तीनुसार बदलू शकतात. तर गंभीर परिस्थितीत श्वास घ्यायला त्रास होणे हे एक महत्त्वाचे धोक्याचे लक्षण आहे.
उपचार कसे करायचे?
वरीलपैकी कोणतीही लक्षणे आढळल्यास त्वरित महानगरपालिका दवाखाना, रुग्णालय किंवा कुटुंबाच्या (फॅमिली) डॉक्टरांचा सल्ला घ्यावा असं आवाहन महापालिकेकडून करण्यात आलं आहे.
ही बातमी ही वाचन 👇👇👇
मुंबईत पुन्हा कोरोना? अभिनेत्री शिल्पा शिरोडकरला झाली लागण; सोशल मीडियावर पोस्ट शेअर करत दिली माहिती
मुंबईत पुन्हा कोरोना डोकं वर काढताना दिसत आहे. यासोबतच शहरात सुरू असलेल्या अवकाळी पावसामुळे हवामानात बदल झाला असून, त्याचा आरोग्यावरही परिणाम जाणवत आहे. अशा पार्श्वभूमीवर बॉलिवूड अभिनेत्री शिल्पा शिरोडकर हिने सोशल मीडियावर एक पोस्ट शेअर करत, तिला कोरोना व्हायरसची लागण झाल्याची माहिती दिली आहे. शिल्पा सध्या उपचार घेत असून, तिची तब्येत स्थिर असल्याचे तिने नमूद केले आहे.
इंस्टाग्रामवर लिहिताना शिल्पा म्हणते, “माझी कोविड चाचणी पॉझिटिव्ह आली आहे. मी आवश्यक ती काळजी घेत असून, कृपया माझ्या संपर्कात आलेल्या सर्वांनी तातडीने चाचणी करून घ्यावी. मास्क वापरा, सुरक्षित राहा.”
शिल्पाने यासोबतच आपल्या चाहत्यांना आणि सर्व नागरिकांना सतर्क राहण्याचे, मास्कचा वापर करण्याचे आणि सॅनिटायझरचा नियमित वापर करण्याचे आवाहन केले आहे. तिच्या सकारात्मक दृष्टिकोनाबद्दल अनेकांनी सोशल मीडियावरून तिला लवकर बरी होण्यासाठी शुभेच्छा दिल्या आहेत.
शिल्पा शिरोडकरने ‘बिग बॉस १८’ आणि अनेक हिंदी चित्रपटांमधून प्रेक्षकांच्या मनात ठसा उमटवलेला आहे. सध्या ती ‘जटाधारा’ या आगामी चित्रपटाच्या तयारीत आहे, मात्र आजारामुळे ती काही काळासाठी विश्रांती घेणार असल्याचे संकेत आहेत.
सारथी योद्धा फिल्म प्रोडक्शन प्रस्तुत सखा माझा सारथी एपिसोड 4 सर्वांनी बघा लाईक सबस्क्राईब व कमेंट करा हृदयाला स्पर्श करून जाणारी स्टोरी
Sarathi Yodha film production
